दक्षिणपूर्वी टर्कियामा हेलिकप्टर दुर्घटना हुँदा २ पाइलटको मृत्यु

सांकेतिक तस्बिर।

दक्षिणपूर्वी गाजियनटेप प्रान्तमा भएको हेलिकोप्टर दुर्घटनामा टर्कीका दुई पाइलटको मृत्यु भएको छ। दुर्घटनाबाट एक प्राविधिक घाइते भएको टर्कीका आन्तरिक मन्त्री अली येर्लिकायाले बताएका हुन्।

सुरक्षा उड्डयन विभागको महानिर्देशनालयको सूचीमा दर्ता गरिएको हेलिकोप्टर, नुरदागी जिल्लाको कारताल गाउँमा दुर्घटनाग्रस्त भएको हो। हेलिकप्टर दक्षिणी हाते प्रान्तबाट प्रस्थान गरेको थियो।

अन्तिम पटक १०ः४९ मा सम्पर्कमा आएको थियो। घटनास्थलमा धेरै जन्डरमेरी, फायर ब्रिगेड र मेडिकल टोलीहरू पठाइएको छ। घाइते प्राविधिकलाई उपचारका लागि स्थानीय अस्पतालमा लगिएको छ। हाल दुर्घटनाको कारण खुल्न सकेको छैन।

माघ २१, २०८० मा प्रकाशित
प्रतिक्रिया दिनुहोस्