छोरी कुट्ने बुबा धरौटीमा रिहा

जिल्ला अदालत, मकवानपुर

हेटौंडा- आफ्नी छोरीलाई निर्घात कुटपिट गरको आरोपमा पक्राउ परेका बाबु धरौटी बुझाएर रिहा भएका छन्।

जिल्ला अदालत, मकवानपुरले महोत्तरी एकडाँडा गाउँपालिका- ३ घर भई हाल हेटौंडा-५, सिँचाइटोल बस्ने २७ वर्षीय रामजी मण्डललाई रु ५० हजार धरौटीमा रिहा गर्ने आदेश दिएको हो।

गत पुस २१ गते मण्डलले आफ्नी चार वर्षीया छोरीलाई पढाउने क्रममा कुटपिट गरेको आरोपमा पक्राउ गरिएको जिल्ला प्रहरी कार्यालय, मकवानपुरका प्रहरी प्रवक्ता लक्ष्मी भण्डारीले जानकारी दिए।

मण्डलले छोरीलाई पेन्सिलले मुख र शरीरका विभिन्न भागमा घोचेर घाइते बनाएका थिए। घाइते छोरीलाई हेटौंडा अस्पतालमा उपचार गरी घर लगिएको छ।

बालिकालाई कुटपिट गर्ने मण्डललाई प्रहरीले नियन्त्रणमा लिइ अनुसन्धानका लागि हिरासतमा राखेको थिय । उनीमाथि बालबालिकाविरुद्ध कसुर मुद्दामा कारबाही सुरु भएको हो।

माघ २५, २०८० मा प्रकाशित
प्रतिक्रिया दिनुहोस्