देशभरका विभिन्न स्थानमा रहेका नारायण मन्दिरहरूमा ब्रतालुले एक महिने माधव नारायण मेलामा पूजा गर्ने क्रम चलिरहेको छ।

यसै क्रममा भक्तपुरको हनुमानघाटस्थित त्रिवेणीधाममा पनि भक्तजनले चिसो पानीमा डुबुल्की मार्दै माधव नारायण आराधाना गरिरहेका छन्।

हनुमानघाटस्थित त्रिवेणी धाममा स्नान गरी, सूर्यलाई अर्घ दिइन्छ। शुक्रबार भक्तजनले न्यातपोल मन्दिर र दरवार क्षेत्रको परिक्रमा गरेका छन्।

नेपाल संवतको आठौं शताब्दीदेखि सुरु भएका एक महिने माधवनारायण ब्रत एवं मेला हरेक वर्ष पौषशुक्ल पूर्णिमादेखि माघ शुक्ल पूर्णिमासम्म लाग्छ।

माधवनारायणको ब्रत बस्ने व्यक्तिले व्रत सुरु हुनु अघिल्लो दिनदेखि निराहार बस्नुपर्ने, बिहानै त्रिवेणीमा स्नान गरी चोखो जल तथा पूजा सामाग्रीले पूजा गर्नुपर्ने, शङ्ख जल ग्रहण गरी मन्त्रोच्चारण गर्नुपर्ने, शङ्ख जल ग्रहण गरेपछि कसैलाई छुन नहुने तथा जुत्ता लगाउन नहुने परम्परा रहेको छ।

ब्रतालुहरुले माघ शुक्ल पूर्णिमाको दिन विहान त्रिवेणी खोलामा आएर स्नान गरि माधवनारायणको पुजा गरेर होम आहुती गरेपछि भक्तपुर नगरका बिभिन्न देवालयहरुको परिक्रमा गरेर भूपतिन्द्र मल्लको मूर्तिमा ईन्द्रकलश चढाएर ब्रत समापन गर्ने परम्परा रहेको छ।

तस्बिरहरू: