काठमाडौँ- राष्ट्रिय सुरक्षा परिषद्का सल्लाहकार शंकरदास बैरागीले पदबाट राजीनामा दिएका छन्।
उनले प्रधानमन्त्री केपी शर्मा ओलीलाई केही दिनअघि नै राजीनामा बुझाएको र उनको राजीनामा स्वीकृत पनि भइसकेको स्रोतले बताएको छ।
भारतको राजदूत बनाउने आश्वासन सरकारको उपल्लो तहबाट पाएपछि उनले राजीनामा दिएको स्रोतले बताएको छ। तर, मन्त्रिपरिषद्ले गरेको राजदूत सिफारिसमा उनको नाम समावेश भएको छैन।
सरकारले दुई दिनअघि १९ देशका लागि राजदूत सिफारिस गर्दा बैरागीको नाम परेको छैन। बैरागीले भने आफ्नो राजीनामामा व्यक्तिगत कारणले राजीनामा दिएको बताएका छन्।
परराष्ट्र सचिव हुँदै सरकारको मुख्यसचिव बनेका बैरागी तीन महिना पदावधि छँदै २०८० जेठ ३२ मा राष्ट्रिय सुरक्षा सल्लाहकारमा नियुक्त भएका थिए। सरकारले बैकुण्ठ अर्याललाई मुख्य सचिव बनाउन बैरागीलाई सुरक्षा परिषद्को विशेष सल्लाहकारका रुपमा नियुक्त गरिएको हो।
भर्खरै
लोकप्रिय
