काठमाडाैँ – सशस्त्र प्रहरी बलले बिहीबार सिनामंगलबाट ७ किलोग्राम पोलाइन्ड नामक लागुऔषधसहित दुई जनालाई पक्राउ गरेकाे छ।
पक्राउ पर्नेमा खोटाङको लामिडाँडा–७ घर भई काठमाडौ महानगरपालिका–३१ गौशाला बस्ने २१ वर्षीय सागर श्रेष्ठ र चितवनको भरतपुर महानगरपालिका–५ खोलेसिमल घर भई काठमाडौँ महानगरपालिका–३१ सिनामंगल बस्ने ४५ वर्षीय लक्ष्मी परियार छन्।
उनीहरुलाई लागुऔषध किनबेच गरिरहेको भन्ने सशस्त्र प्रहरी बल इन्टेलिजेन्स ब्युरोको विशेष सूचनाको आधारमा लागुऔषधसहित नियन्त्रणमा लिइएको हो। साथै उनीहरुले प्रयोग गरिरहेको दुई थान मोटरसाइकल, ६ थान मोवाईल र केही नगदसमेत बरामद गरिएको छ।
नियन्त्रणमा लिईएका दुवै जनालाई आवश्यक अनुसन्धान तथा कारबाहीको लागि सम्बन्धित निकायमा बुझाईएको छ।
यसअघि सशस्त्र प्रहरीले गत फागुन १ गते काठमाडौको गोकर्णेश्वर नगरपालिका–६ जोरपाटीस्थित नयाँ बस्ती र भदौ २२ गते काठमाडौ महानगरपालिका–३२ कोटेश्वरबाट ५–५ किलोग्राम सोही लागुऔषधसहित तीन जनालाई नियन्त्रणमा लिएको थियो।
भर्खरै
लोकप्रिय
