भिजिट भिसा प्रकरणका प्रमुख खलपात्र रमेश लेखक प्रधानमन्त्री केपी शर्मा ओली र कांग्रेस सभापति शेरबहादुर देउवाको संरक्षणका कारण गृहमन्त्रीको कुर्सीमा टिकिरहे। तर, सडकमा उच्चतहको भ्रष्टाचार र ओली-देउवाको सामाजिक सञ्जाल प्रतिबन्धबिरुद्ध उर्लिएको आन्दोलनले गृहमन्त्री लेखकको कुर्सी खोसिएको छ।
तर मुलुकको छवि र भविष्यका लागि चिन्तित युवा चिन्ता र आक्रोशलाई नजरअन्दाज गर्दै १९ होनहार युवाको ज्यान लिने सरकारले एक क्षणका लागि पनि सत्तामा रहने सबै अधिकार गुमाएको छ। यो सत्ता जानुमात्र क्षम्य र पर्याप्त मानिने छैन। आजको बर्बरता र उच्चतहमा भएको भ्रष्टाचार तथा जवाफदेहीविहीन सत्ताबाट भएको पराधको निष्पक्ष र गहिराइमा छानबिन हुनुपर्छ।
त्यो निर्णयसँगै लेखकजस्तै ओलीको राजीनामाको घोषणाले मात्र युवाहरूलाई आक्रोशित हुनबाट रोक्नसक्छ। सत्ताका लागि विदेशी हस्तक्षेप निम्त्याई २० वर्षसम्म भ्रष्टाचारमा उन्मुक्तिसहित निरङ्कुश शासन चलाउँदै आएका माओवादी, एमाले, कांग्रेस र मधेसकेन्द्रित शक्तिहरू आजका खलनायक हुन्।
हरेक आन्दोलन प्रत्यक्ष वा परोक्ष रूपमा सत्ताबिरुद्ध र राजनीतिक सुधारका लागि हुनेगर्छ। राष्ट्रियता, सार्वभौमसत्ता र लोकतन्त्रलाई आचरण होइन, नारामा कुर्लने शासन र राजनीतिक शैलीको अन्त्यको सुरुवात हो यो। तर, आन्दोलनकारी शक्तिमा भिजन र भविष्यको खाकाबारे स्पष्टता र सडकमा संयम त्यत्तिकै जरुरी हुन्छ।
भर्खरै
लोकप्रिय
