काठमाडौँ– नेकपा एमालेको युवा संगठनले आफ्नो पार्टी अध्यक्ष केपी शर्मा ओली र संगठन इन्चार्ज महेश बस्नेतमाथि सरकारले प्रतिशोधपूर्ण व्यवहार गरेको आरोप लगाएको छ।
संगठनका अध्यक्ष क्षितिज थेवेले मंगलबार एक विज्ञप्ति जारी गर्दै सरकारले ओलीको राहदानी रोक्का गर्ने र बस्नेत विद्युतीय कारबार ऐन लगाएर अनुसन्धान गर्ने प्रकृया बढाएकोप्रति आपत्ति प्रकट गरेका छन्।
जेन-जी आन्दोलनको अनुसन्धान नै सुरु नगरी सुरुमै ओलीको राहदानी रोक्नु सरकारको प्रतिशोध देखिएको थेवेले बताएका छन्। ‘भदौ २३ र २४ गतेको घटनासम्बन्धि जाँचबुझ आयोग २०८२ ले विनाकुनै आधार र प्रमाण जाँचबुझको प्रारम्भको चरणमै विशुद्ध र शंका र पूर्वाग्रहका राहदानी रोक्का गरेको कुरा छर्लङ्ग छ’, विज्ञप्तिमा भनिएको छ।
पूर्वप्रधानमन्त्री जस्तो व्यक्तिलाई त्यसमा जीवननै नेपाली र नेपालका लागि सुम्पिएको व्यक्तिमाथि सरकारले गरेको व्यवहार प्रत्युत्पादक हुने युवा संगठनले चेतावनी दिएको छ।
यस्तो छ विज्ञप्ति
भर्खरै
लोकप्रिय
