सार्वजनिक यातायातमा बढी भाडा लिए रुट इजाजत खारेज गर्ने चेतावनी

काठमाडौँ– यातायात व्यवस्था विभागले सार्वजनिक यातायातमा तोकिएको भन्दा बढी भाडा लिएको गुनासो आएको भन्दै त्यस्ता यातायात व्यवसायीको रुट इजाजत खारेज गर्ने चेतावनी दिएको छ।

विशेष गरेर काठमाडौँ देखि सुदूरपश्चिम सञ्चालन हुने यातायातमा बढी भाडा लिइएको गुनासो प्राप्त भएको विभागले जानकारी दिएको छ। तर बढी भाडा लिएको पाएमा रुट इजाजत खारेज गर्नेसम्मको कारबाही हुनसक्ने विभागले बुधबार एक सूचना जारी गर्दै जनाएको छ।