- शुक्रबारदेखि विभिन्न सडक अवरुद्ध हुँदा संखुवासभाको दुई ठाउँमा पूर्णरुपमा सञ्चालन गर्न नसकिएको छ।
- रसुवाको गोसाइकुण्ड गाउँपालिका २ मा पुल बग्दा नेपाल-चीन नाका झोड्ने सडक पनि अवरुद्ध भएको छ।
- सरकारको निर्णयअनुसार दीर्घ दूरीका सवारी साधनहरू २० गतेसम्म पूर्वपश्चिम राजमार्गमा चलाउन प्रतिबन्ध लगाइएको छ।
काठमाडौँ– शुक्रबारदेखि भइरहेको वर्षाले देशभरका विभिन्न सडकखण्डहरू अवरुद्ध भएका छन्। कतै बाढी र कतै पहिरो जाँदा विभिन्न सडकखण्ड अवरुद्ध भएका हुन्।
नेपाल प्रहरीकाअनुसार हाल संखुवासभाको दुई ठाउँमा सडक पूर्णरुपमा अवरुद्ध छ। कोशी राजमार्गअन्तर्गत भोटेखोला गाउँपालिका ४ बरुणखोला र मकालु गाउँपालिका ३ एकुवा पहिरोले सडक पूर्णरुपमा अवरुद्ध छ।
यी दुई ठाउँमा यसअघि गएकै पहिरो हटाइएको छैन। अब पानी नरोकिएसम्म यी सडकखण्ड बनाउने अवस्था नरहेको प्रहरीले जानकारी गराएको छ।
यस्तै रसुवाको गोसाइकुण्ड गाउँपालिका २ नेपाल-चीन नाका झोड्ने पुल बगाएर यस सडकखण्ड पनि अवरुद्ध छ। यस सडकखण्ड पनि यसअघि असार २४ गते आएको बाढीले पुल बगाएपछि अवरुद्ध छ।
शुक्रबारदेखि भइरहेको वर्षाले विशेष गरेर बागमती प्रदेशका विभिन्न राजमार्गहरू अवरूद्ध भएका छन्। दशैंको दिनको वर्षापछि रसुवाको गोसाइकुण्ड गाउँपालिका २ पासाङ ल्हामु सडक खण्ड तीन ठाउँमा पूर्णरुपमा अवरुद्ध छ। दशैंका दिन आएको पहिरोपछि अरनिको राजमार्गअन्तर्गत सिन्धुपाल्चोकको भोटेकोशी गाउँपालिका ४ चारकिलोमा पनि सडक अवरुद्ध छ।
आज शनिबार आएको बाढीपहिरोपछि काभ्रेको अरनिको राजमार्गअन्तर्गत धुलिखेल नगरपालिका ८ पचुकामा एकतर्फी सडक अवरुद्ध छ।
यसैगरी आजै आएको पहिरोपछि धादिङको बेनिघाट रोराङ गाउँपालिका १० जवाङ खोलामा पहिरोका कारण पूर्णरुपमा अवरुद्ध छ।
निरन्तरको वर्षापछि सरकारले पूर्वपश्चिम राजमार्गमा आउने २० गतेसम्म लामो दुरीका सवारी सधान चल्न पूर्णरुपमा रोक लगाएको छ। यस्तै अरनि तथा विपी राजर्गमा पनि सवारी सञ्चालनमा रोक लगाइएको छ।
कान्ति लोकपथमा सबै प्रकारका सवारी सधान सञ्चालनमा रोक लगाइएको छ।
फाइल तस्बिर
भर्खरै
लोकप्रिय
