विराटनगर– प्रतिकूल मौषमका कारण विराटनगर विमानस्थल बन्द गरिएको छ। वर्षासँगै हवाई उडान प्रभावित भएपछि आजका लागि विमानस्थल बन्द गरिएको हो।
जिल्ला प्रशासन कार्यालय मोरङका प्रमुख जिल्ला अधिकारी इन्द्रदेव यादवका अनुसार बिहान केही घण्टाका लागि खुलेको विमानस्थलबाट यति एयरले पहिलो उडान गरेको थियो।
काठमाडौँका लागि उडेको विमान खराब मौषमसँगै काठमाडौँमा अवतरण गर्न नसकेपछि डाइभर्ट गरि पोखरामा अवतरण गरेको थियो।
अब अर्को सूचना नहुञ्जेलसम्म विमानस्थल नखुल्ने यादवले जानकारी दिए।
त्यसैगरि, बिहान काठमाडौँबाट विराटनगर आएको श्री एयरको विमान पनि फर्कन नसकेपछि विमानस्थलमा नै रोकिएको विराटनगर नागरिक उड्डयन कार्यालयले जनाएको छ।
कार्यालयका अनुसार विमानस्थलमा भिजिविलिटीमा कुनै समस्या नरहेपनि उडानका क्रममा बिचको हवाई मार्ग र काठमाडौँ विमानस्थल नै बन्द भएपछि यहाँ पनि विमानस्थल बन्द गरिएको हो।
भर्खरै
लोकप्रिय
