अर्थ मन्त्रालयले भन्यो– गैरसरकारी संस्थामा होइन, सरकारी कोषमा मात्र पैसा जम्मा गरौँ

काठमाडौँ– जेन-जी आन्दोलनपछि उनीहरूको घाइतेको उपचार र राहतका लागि भन्दै गैरसरकारी संघसंस्थामा पैसा जम्मा भएकोप्रति अर्थमन्त्रालयको ध्यानाकर्षण भएको छ।

सहिद परिवारलाई राहत र घाइते व्यक्तिको उपचारका लागि स्वदेश तथा विदेशमा संकलित सहयोग रकम गैरसरकारी संघसंस्थामा नभइ सरकारी कोष भौतिक पूर्वाधार निर्माण कोषमा जम्मा गर्न मन्त्रालयले आग्रह गरेको छ।

शनिबार एक अनुरोध जारी गर्दै मन्त्रालयले संकलित रकमको दुरुपयोग हुनबाट रोक्न र पारदर्शी तथा जवाफदेही ढंगले परिचालन गर्न कोषको आधिकारिक खातामा मात्र रकम जम्मा गर्न भनेको छ।

कोषमा जम्मा हुने रकमबटै राहत र पुनर्निर्माणका साथै जेनजी सहिद तथा घाइते परिवारका प्रतिनिधिहरुसमेतको सहभागितामा समुचित प्रयोग गरिने मन्त्रालयले जनाएको छ।