रौतहटमा चट्याङ लागेर दुई किशोरको मृत्यु

पर्सा- रौतहटको कटहरिया नगरपालिका-२ स्थित हथियाही गाउँमा शनिबार साँझ चट्याङ लागेर दुई किशोरको ज्यान गुमेको छ।

लगातारको वर्षासँगै हावाहुरी र चट्याङ लागेर किशोरको मृत्यु भएको हो। यस क्षेत्रमा शनिबार दिउँसो अत्याधिक वर्षा भएको थियो।

जिल्ला प्रहरी रौतहटका अनुसार चट्याङले हथियाही गाउँका १६ वर्षीय सेराज लहेरी र १६ वर्षीय नवीन यादवको मृत्यु भएको हो। बाटोमा हिँडिरहेका बेला उनीहरूलाई चट्याङ लागेको हो। दुवैको शव अहिले पोस्टमार्टमका लागि राखिएको प्रहरीले जानकारी दिएको छ।

रौतहट र वरपरका जिल्लामा शनिबार दिनभरिजसो नै मेघ गर्जिएको छ।

तराईका जिल्लामा शनिबार दिनभरिको बर्षाका कारण जनजीवन प्रभावित भएको छ।