दाङ- भर्खरै धान काट्न थालिएको भए पनि ठूलो पानी पर्ने सम्भावना देखिएपछि किसानहरू धान काट्न रोकिएका छन्।
राप्ती–५ का किसान शिशिर चौधरीले भने, ‘के गर्ने, काटिसकेको धानलाई खेतमै सड्न दिने भन्दा चिसै भए पनि भित्र्याउने योजना बन्यो। त्यसैले थ्रेसरबाट भित्र्याइरहेका छौँ।’ मौसम अनुकूल नहुँदा काम केही गाह्रो भइरहेको उनले बताए।
जिल्लाको पूर्वी क्षेत्रमा धान काटिसकेका किसानहरू पानी पर्ने डरले चिसै भए पनि धान भित्र्याउन थालेका छन्। काटिसकेको धान जम्मा गरेर थ्रेसरमा दाएर भित्र्याउने काम भइरहेको छ। जल तथा मौसम विज्ञान विभागले भित्र्याउन ठिक्क परेको धान समेत नकाट्न किसानलाई अनुरोध गरेको थियो।
दाङको पूर्वी क्षेत्रमा धान छिटो रोपाइँ हुने र छिटो पाक्ने भएकाले यसपाली पानी पर्ने पूर्वानुमानसँगै भित्र्याउने समय लम्बिन पुगेको छ। किसानले सरकारले गरेको अनुरोध स्वीकार्दै नयाँ धान काट्न रोकिएका छन्, तर पहिले काटिसकेको धान चिसै भए पनि भित्र्याउन व्यस्त छन्। चिसै भित्र्याएको धान सडकमा सुकाएर दाइ लगाउने प्रचलन छ।
तस्बिरहरू:
भर्खरै
लोकप्रिय
