- पोखरामा रेफर गरिएका ५ जनालाई दुलेगौंडास्थित तनहुँ सेवा हस्पिटलमा प्राथमिक उपचार पछि गण्डकी मेडिकल कलेजमा पठाइएको छ ।
- एक माइक्रोबस २० मिटर तल खस्दा ११ जना घाइते भए, जसमा एक बालिकाको अवस्था गम्भीर छ।
- दुर्घटनामा हात र छातीमा चोट लागेकी ४५ वर्षीया दलकुमारी रानालाई गण्डकी मेडिकल कलेज पोखरा रेफर गरिएको छ।
पोखरा– तनहुँको शुक्लागण्डकी नगरपालिका–४ दुलेगौंडा हेल्थपोष्टचोक दुर्घटनामा घाइते ५ जनालाई पोखरा रेफर गरिएको छ ।
दुलेगौंडास्थित तनहुँ सेवा हस्पिटलमा सामान्य उपचारपश्चात थप उपचारका लागि गण्डकी मेडिकल कलेज पोखरा रेफर गरिएको हो ।
आइतबार दिउँसो साढे ३ बजे दुलेगौंडाबाट लालिमतर्फ जादै गरेको ग १ ज ८३१७ नम्बर माइक्रो सडकबाट २० मिटर तल खसेर दुर्घटना भएको हो ।
दुर्घटनामा माइक्रको चालकसहित ११ जना घाइते भएका थिए । सामान्य घाइते सवारी चालक शुक्लागण्डकी–२ हलेदीका सुमित थापा मगर प्रहरी नियन्त्रणमा छन् । घाइते मध्य एक बालिकाको अवस्था गम्भीर छ ।
शुक्लागण्डकी नगरपालिका–८ लालिम बस्ने १६ महिने बालिका रोशनी थापाको टाउको चोट लागेर गम्भीर घाइते भएकी छन् ।
उनको थप उपचारका लागि गण्डकी मेडिकल कलेज पोखरा पठाइएको हो । शुक्लागण्डकी नगरपालिका– ८ गणपते बस्ने ४५ बर्षकी दलकुमारी रानालाई पनि जिएमसी पोखरा रेफर गरिएको छ ।
मध्यम घाइते उनको छाती र बायाँ हातमा चोट, लागेको इलाका प्रहरी कार्यालय बेलचौताराले जनाएको छ । दायाँ हात र ढाडमा चोट लागेकी गणपतेकी २१ वर्षीया रविना थापा, चिउडो र दायाँ खुट्टामा चोट लागेर मध्यम घाइते शुक्लागण्डकी–८ लालिमका १६ वर्षीय रविन भुजेल, टाउकोमा चोट लागेकी शुक्लागण्डकी–१२ की ४९ वर्षीया देवीसिंह ठकुरीलाई पनि जिएमसी रेफर गरिएको छ ।
विङगरको ठक्करबाट दुुलेगौंडाबाट लामागाउँतर्फ जादै गरेको ग १ ज ६५५३ नम्बरको जीपलाई समेत ठक्कर दिएको थियो । जीपमा सवार १ जना घाइते भएका छन् ।
भर्खरै
लोकप्रिय
