अ
+
अ
अ
-
पर्यटक सिजनमै नेपालमा पर्यटक आगमन खस्किएको छ।
सन् २०२५ को सेप्टेम्बरमा ७८ हजार विदेशी पर्यटक नेपाल भित्रिएका छन् जुन अघिल्लो वर्षको तुलनामा १८ प्रतिशतले कम हो।
नेपाल पर्यटन बोर्डले मंगलबार सार्वजनिक गरेको तथ्याङ्कअनुसार सेप्टेम्बरमा ७८ हजार ७११ पर्यटक नेपाल भ्रमणमा आएका हुन्।
आँकडाअनुसार पर्यटकीय सिजनमै पर्यटक आगमन खुम्चिएको हो। यो सङ्ख्या अघिल्लो सेप्टेम्बर २०२४ को तुलनामा १८.३ प्रतिशत कम हो। अघिल्लो वर्ष सेप्टेम्बरमा ९६ हजार ३ सय २ पर्यटक नेपाल भ्रमणमा आएका थिए।
गत अगष्टमा ८८ हजार ६८० पर्यटक पाल भित्रिएका थिए।
बोर्डको तथ्याङ्कअनुसार भारतबाट १५ हजार ५५६ पर्यटक भित्रिएका छन् भने चीनबाट पाँच हजार २३७, अमेरिकाबाट नौ हजार ६७९, श्रीलङ्काबाट तीन हजार १५ र बङ्गलादेशबाट दुई हजार २३० पर्यटक भित्रिएका छन्।
भर्खरै
लोकप्रिय
