ताप्लेजुङमा जिप दुर्घटना हुँदा एकको मृत्यु

ताप्लेजुङमा मंगलबार साँझ बोलेरो जिप दुर्घटनामा पर्दा एकको मृत्यु भएको छ भने ६ जना घाइते भएका छन्।

ताप्लेजुङको सिदिङवा गाउँपालिका–३ आङखोपस्थित सडक खण्डमा बोलेरो जिप दुर्घटना हुँदा एक जनाको मृत्यु हुनुका साथै छ जना घाइते भएका हुन्।

ताप्लेजुङ प्रहरीका अनुसार थर्पुबाट आङखोपतर्फ जाँदै गरेको प्रदेश १–०१–००१ ज ३४७० नम्बरको बोलेरो जिप साँझ करिब ६ः३० बजे सडकबाट करिब २०० मिटर तल भिरमा खसेर दुर्घटना भएको हो। दुर्घटनामा परेर सिदिङवा गाउँपालिका–३ आङखोपका ६० वर्षीय लोकबहादुर कुँवरको मृत्यु भएको प्रहरीले जानकारी दिएको छ।

दुर्घटनामा छ जना घाइते भएका छन्। उनीहरू सबैजना सिदिङ्वा गाउँपालिकाकै हुन् जसमध्ये दुई जना गम्भीर घाइते छन्।