- काभ्रेको पाँचखाल नगरपालिका-६ मा बसले ट्रकलाई ठक्कर दिँदा आठ जना घाइते भएका छन्, जसमा तीनको अवस्था गम्भीर छ।
- काठमाडौंबाट बाह्रबिसे जाँदै गरेको बसले ट्रकलाई ठक्कर दिएर ट्रक ३० मिटर तल खसेको हो।
- दुर्घटनाबाट ट्रकका छ र बसका दुई यात्रु घाइते भएका छन्, घाइतेहरूको धुलिखेल अस्पतालमा उपचार भइरहेको छ।
काभ्रेको पाँचखाल नगरपालिका- ६ मा बसले ट्रकलाई ठक्कर दिँदा ८ जना घाइते भएका छन्। तीमध्ये तीन जनाको अवस्था गम्भीर रहेको प्रहरीले जानकारी दिएको छ।
काठमाडौंबाट बाह्रबिसे जाँदै गरेको बा२ख ६५७९ नम्बरको बसले सोही दिशा तर्फ जाँदै गरेको सडक विभागको बा ५ ख ६८३ नम्बरको ट्रकलाई पाँचखाल नगरपालिका- ६ मा ठक्कर दिएको थियो।
बसले ठक्कर दिँदा ट्रक अनियन्त्रित भई सडकबाट ३० मिटर तल खसेको प्रहरीले जानकारी दिएको छ।
प्रहरीका अनुसार दुर्घटनामा परी ट्रकका छ र बसका दुई यात्रु घाइते छन्। तीमध्ये ट्रकमा रहेका तीनको अवस्था गम्भीर रहेको प्रहरीले जानकारी दिएको हो।
प्रहरीका अनुसार ट्रकमा रहेका काभ्रेपलाञ्चोक मण्डन देउपुर नगरपालिका- ६ का रेशम थापा, बेथानचोक गाउँपालिका- ४ का ४३ वर्षीय लाइतलाल तामाङ र झापाका ५८ वर्षीय लालबहादुर राई गम्भीर घाइते छन्। त्यस्तै चौतारा साँगाचोकगढी नगरपालिका- १ का ५८ वर्षीय शेरबहादुर तामाङ, फुर्वा तामाङ र भक्तपुर सूर्यविनायक का ५८ वर्षीय रामचन्द्र अधिकारी सामान्य घाइते भएका छन्।
बसमा रहेका सिन्धुपाल्चोक बाह्रबिसे नगरपालिका- २ का ७० वर्षीय युक्तबहादुर खत्री र बलेफी गाउँपालिकाऔ ६ का ६६ वर्षीय गोपिलाल पराजुली सामान्य घाइते भएका छन्। घाइतेको धुलिखेलस्थित अस्पतालमा उपचार भइरहेको छ।
भर्खरै
लोकप्रिय
