बाढीले बगाएर एक जनाको मृत्यु

मुगु – मुगु जिल्लामा अविरल वर्षापछि आएको बाढीले  बगाएर एक जनाको मृत्यु भएकाे छ। छायाँनाथ रारा नगरपालिका–६ को कोटिला गाउँका ६६ वर्षीय धर्मसिंह मल्लले गाईगोरु चराइरहेका बेला बुधबार दिउँसो चडिपानी पाखामा आएको बाढीले बगाएर मृत्यु भएको हो।

वडाध्यक्ष खेमबहादुर रावलका अनुसार अचानक आएको बाढीले मल्ललाई बगाएको थियो। चरन क्षेत्रमा रहेका गाईगोरु भने सुरक्षित छन्। घटनाको जानकारी पाएलगत्तै बिहीवार प्रहरीको टोली त्यसतर्फ गएकाे उनले बताए।