पोखरा – तनहुँको ढोरमूलकोट दरबारले पूर्वाधार विकास र पर्यटकको पदचाप पर्खिरहेको छ।
शुक्लागण्डकी नगरपालिका–१० रजस्थलमा रहेको दरबारको भग्नावशेष संरक्षणको अभावमा झाडीले छोपिँदै छ। पूर्वधार र प्रवर्द्धन नहुँदा पर्यटकको पदचाप पुग्न सकिरहेको छैन।
नेपाल एकीकरणको बखत युद्धमा पराजय व्यहोरेर गोरखा राज्यमा विलय भएको थियो ढोर राज्य। वि.स. १८३७ गोरखा राज्यमा गाभिएको हो। ढोर राज्यका अन्तिम राजा कृति खाँण ठकुरी हुन्।
दुई दशक पहिलासम्म ढोरमूलकोट दरबारमा थुप्रै संरचना देख्न सकिन्थ्यो। ती ऐतिहासिक संरचनाहरु अहिले जीर्ण बनेका छन्। केही संरक्षणको अभावले मेटिएका छन्।
पछिल्लो एक दशकयता ढोरमूलकोट संरक्षण एवं पर्यटन व्यवस्थापन समितिले संरक्षण र पूर्वाधार विकासको काम गरिरहेको छ। तर, पर्याप्त बजेटको अभावले अपेक्षित काम हुन सकिरहेको छैन।
पदमार्ग, पिकनिक स्पट, मन्दिर, चौतारी भने निर्माण गरिएको छ।
भर्खरै
लोकप्रिय
