- ग्लोबल आइएमई बैंकले आर्थिक वर्ष २०८१/८२ मा चुक्ता पूँजीको ८ प्रतिशत दरले नगद लाभांश वितरण गर्नेछ।
- बैंकले ग्लोबल फाइनान्स र युरो मनी अवार्ड फर एक्सलेन्स २०२४ मा नेपालकै उत्कृष्ट बैंकको मान्यता प्राप्त गर्यो।
- ३५२ शाखा, ३८४ एटिएम र १५५ शाखारहित सेवा सहित, बैंकले विश्वभर रेमिट्यान्स सेवा पनि सञ्चालन गरिरहेको छ।
काठमाडौँ- ग्लोबल आइएमई बैंक लिमिटेडले आर्थिक वर्ष २०८१/८२ का लागि शेयरधनीहरूलाई ८ प्रतिशत नगद लाभांश वितरण गर्ने घोषणा गरेको छ।
बैंकले हाल कायम चुक्ता पूँजीको ८ प्रतिशत दरले नगद लाभांश (कर प्रयोजनार्थ सहित) वितरण गर्ने प्रस्ताव गरेको हो। उक्त प्रस्ताव नेपाल राष्ट्र बैंकको स्वीकृति र बैंकको आगामी वार्षिक साधारणसभाबाट पारित भएपछि कार्यान्वयनमा ल्याइनेछ।
ग्लोबल आइएमई बैंकले हालै ग्लोबल फाइनान्सको बेष्ट बैंक अवार्ड २०२४ र २०२५ तथा युरो मनी अवार्ड फर एक्सलेन्स २०२४ अन्तर्गत नेपालकै उत्कृष्ट बैंकको रूपमा सम्मान प्राप्त गरेको छ। यसअघि पनि सन् २०२२, २०२४ र २०२५ मा युरो मनी अवार्ड फर एक्सलेन्सबाट बेष्ट बैंकको उपाधि पाएको थियो।
सातै प्रदेश र ७७ वटै जिल्लामा सेवा सञ्जाल विस्तार गरेको बैंकले हाल ३५२ शाखा कार्यालय, ३८४ एटिएम, १५५ शाखारहित बैंकिङ सेवा, ६८ एक्सटेन्सन तथा राजश्व संकलन काउन्टर र ३ वटा वैदेशिक प्रतिनिधि कार्यालयमार्फत सेवा दिइरहेको छ।
बैंकले देशभित्र मात्र होइन, संयुक्त राज्य अमेरिका, संयुक्त अधिराज्य, क्यानडा, अष्ट्रेलिया, मलेसिया, दक्षिण कोरिया, जापान, साउदी अरब, कतार, यूएई, बहराइन, कुवेत, भारत र जोर्डनलगायत देशहरूबाट रेमिट्यान्स सेवा पनि सञ्चालन गर्दै आएको छ।
भर्खरै
लोकप्रिय
