जनकपुरधाम – मधेस प्रदेशको शिक्षा तथा संस्कृतिमन्त्री रानीकुमारी तिवारीले पदबाट राजीनामा दिएकी छन्। मुख्यमन्त्री सतिशकुमार सिंहले विश्वासको मत लिनु एक दिनअघि उनले पदबाट राजीनामा दिएकी हुन्। लोकतान्त्रिक समाजवादी पार्टी ९लोसपा० नेपाल बाट शिक्षा मन्त्री बनेकी तिवारीले सोमबार राजीनामा दिएकी हुन्।
यस्तै, लोसपाले मधेस सरकारलाई दिएको समर्थन समेत फिर्ता लिएको छ। लोसपाले मधेस प्रदेश सरकारलाई दिएको समर्थन फिर्ता लिएसँगै उनलाई अब कुनै दलको समर्थन छैन्। उनी प्रतिनिधित्व गर्ने दल जनमत पार्टीसहित नेपाली कांग्रेस र नेकपा एमालेले यसअघि नै सरकारलाई दिएको समर्थन फिर्ता लिएको थियो।
मुख्यमन्त्री सिंहले भोली दिउँसो १ बजे नेपालको संविधानको धारा १८८ को उपधारा (२) बमोजिम विश्वासको मत लिन लागेका हुन्। उनले प्रदेशसभा कार्यसञ्चालन नियमावली, २०७५ को नियम १४३ को उपनियम (४) बमोजिम व्यक्तव्यसहित प्रस्ताव पेश गर्ने कार्यसूची रहेको मधेस प्रदेशसभा सचिवालयले जनाएको छ।
भर्खरै
लोकप्रिय
