दक्षिण भारतमा जन्मेर संयुक्त अबर इमिरेट्स (युएई) मा व्यवसाय गरिरहेका सामान्य व्यवसायी डा. अल्फ्रेड मिरान्डा यसपटक देशसञ्चार चौतारीको अतिथि बनेका छन्। उनीसँगै यसपटकको देशसञ्चारमा टाइम्स अफ इन्डियामा कार्यरत पत्रकार सङ्गमेस मिनासिकाइ पनि अतिथि छन्।
डा. मिरान्डाको जीवनमाथि सङ्गमेस मिनासिकाइले लेखेको जीवनी ‘रेल्वे म्यान्स सन’ नेपालमा पनि केही दिनअघि सार्वजनिक भएको थियो। मिरान्डा गोवामा सामान्य टुर गाइड थिए, अहिले उनी युएईमा करिब ८० जनालाई रोजगारी दिइरहेका छन्। उनको व्यवसायमा नेपालीले पनि रोजगारी पाएका छन् भने डा. मिरान्डा नेपाली संस्कृति र नेपाली मानिसहरूलाई एकदमै मन पराउँछन्।
देशसञ्चार चौतारीमा उनले नेपाली पासपोर्ट इमान्दारीको प्रमाणपत्र रहेको पनि जिकिर गरेका छन्। यसबाहेक उनले आफ्नो संघर्ष र नेपाल तथा नेपालीप्रति आफ्नो माया र सद्भावका प्रसंगहरू पनि देशसञ्चार चौतारीमा उक्काएका छन्।
दक्षिण भारतबाट २५ वर्षदेखि युएईमा व्यवसाय चम्काइरहेका डा. अल्फ्रेड मिरान्डासँग नेपाली कामदार, नेपाल, उनको संघर्षपूर्ण जीवन र व्यवसायिक जीवनका टिप्सहरूबारे कुराकानी।
भर्खरै
लोकप्रिय
