मोटरसाइकल दुर्घटना हुँदा दुई जना घाइते

दाङ – दाङमा मोटरसाइकल दुर्घटना हुँदा दुई जना घाइते भएका छन्।

घाइते हुनेमा लमही नगरपालिका–५ निवासी शोभाखर घिमिरे र उनकी श्रीमती ५३ वर्षीया विमला घिमिरे रहेकाे इलाका प्रहरी कार्यालय गढवाका प्रहरी निरीक्षक डबलबहादुर बमले दिएका छन्।

भारतको तुलसीपुर गएर लमही फर्किने क्रममा गढवा गाउँपालिका-५ जमुनिबास नजिकै चिसापानीमा मोटरसाइकल अनियन्त्रित भई दुर्घटनामा परेका हुन्।

मोटरसाइकल चालक शोभाखर घिमिरे देउखुरी उद्योग वाणिज्य संघका पूर्व अध्यक्ष हुन्। उनी सामान्य घाइते भएका छन् भने उनकी श्रीमती विमलाको टाउकोमा चोट लागेको प्रहरीले जनाएको छ।

घाइते विमला घिमिरेको अहिले राप्ती स्वास्थ्य विज्ञान प्रतिष्ठान, घोराहीमा उपचार भइरहेको छ।