- गायक दुर्गेश थापाले अमेरिकामा ११ शहरमा प्रस्तुती दिने कार्यक्रम अघि बढाउने तयारी गरेका छन्।
- दुर्गेशको पहिलो प्रस्तुती अस्टिन टेक्सासमा हुने र अन्तिम कार्यक्रम डल्लासमा समापन हुने जनाइएको छ।
- अर्को चर्चित गायिका मेलिना राई पनि नोभेम्बर १ मा दुर्गेशको साथमा प्रस्तुती दिनेछिन्।
गायक दुर्गेश थापाले अमेरिकामा सांगीतिक प्रस्तुती दिने भएका छन्। अमेरिकाका ११ शहरमा आयोजना हुने कार्यक्रममा प्रस्तुती दिनेछन्।
दुर्गेशको पहिलो कार्यक्रम आगामी शुक्रबार ९१७ अक्टोबर अस्टिन टेक्सासबाट सुरु हुनेछ। नोभम्बर २२ मा डल्लास टेक्सासमा पुगेर सकिनेछ। त्यो बिचमा उनले न्युओर्क, बाल्टिमोड, कोलम्बस, कोलोराडो लगायतका ठाउँमा ११ स्टेजमा प्रस्तुती दिने आयोजकले जानकारी दिएको छ।
आयोजकले दुर्गेशको यो पहिलो अमेरिका टुर भएकाले पनि दर्शकको उल्लेख्य उपस्थिती हुने अपेक्षा राखेको छ।
आयोजक मध्येका एक रोशन पुरीले दुर्गेशलाई पहिलोपटक अमेरिकामा रहेका नेपालीहरू माझ ल्याउन पाउँदा खुसी लागेको बताए। रोशनले यो टुरलाई एक सांगितीक कार्यक्रम मात्र नभई फरक फरक ठाउँमा रहेका नेपालीहरु जमघट हुने अवसर पनि भनेका छन्।
कलाकार दुर्गेशले पहिलोपटक अमेरिकाका बिभिन्न शहरमा आफूले प्रस्तुती दिन पाउने कुराले खुसी लागेको सुनाएँ। साथै उनले आफूलाई सहज हुने ठाउँका कार्यक्रममा उपस्थित भइदिनका लागी दर्शकलाई आग्रह गरेका छन् । दुर्गेशले आफ्नो पछिल्लो समयका चर्चित गीत दुश्मन हेरेको हेरेई, जाने भए जाममाया लगायत थुप्रै गीत सुनाउनेछन्।
सोहि अवसरमा अर्की चर्चित गायिका मेलिना राईको पनि प्रस्तुती रहने बताइएको छ। नोभम्बर १ मा भर्जिनियामा हुने कार्यक्रममा दुर्गेशसँगै मेलिनाको पनि प्रस्तुती रहने आयोजकले जनाएको छ।
भर्खरै
लोकप्रिय
