अ
+
अ
अ
-
काठमाडौँ – हमासको नियन्त्रणमा परेर ज्यान गुमाएका नेपाली युवा विपिन जोशीको सम्झनामा दीप प्रज्वलन गरिएको छ। विपिनको सम्झनामा बुधबार साँझ काठमाडौँको माइतीघर मण्डलामा दीप प्रज्वलन गरिएको हो।
‘लर्न एण्ड अर्न’ कार्यक्रमअन्तर्गत नेपालबाट इजरायल पुगेका विपिनलाई इजरायल र हमासबीचको युद्धका क्रममा हमासले नियन्त्रणमा लिएर बन्धक बनाएको थियो।
बन्धक बनाइएको लामो समयसम्म उनको अवस्था अज्ञात थियो। केही दिनअघि इजरायल र हमासबीच युद्धविराम भएपछि बन्धक बनाइएका २० जना जीवित बन्धक रिहा भएका थिए भने हमासको नियन्त्रणमा रहँदा मारिएका विपिनको शव पनि हस्तान्तरण गरिएको थियो।
इजरायली सेनाले गरेको फरेन्सिक परीक्षणमा पनि हमासले बुझाएको शव विपिनकै भएको पुष्टि भएको थियो। हमासको नियन्त्रणमा परेको केही महिनामै विपिनको मृत्यु भएको परीक्षणबाट पुष्टि भएको थियो। 
भर्खरै
लोकप्रिय
