टी–२० विश्वकप छनोटमा उपाधिका लागि महत्वपूर्ण मानिएको खेलमा ओमान विरुद्ध नेपालले टस जितेर पहिले ब्याटिङ गर्ने निर्णय गरेको छ। यो खेल अघिनै विश्वकपमा छनोट भएका दुबै टिम उपाधि जित्ने लक्ष्यमा रहेकाले दुबैका लागि यो खेल जित्दै उपाधि अभियान सहज बनाउने लक्ष्य रहेको छ।
नेपालले आजको खेलमा एक परिवर्तन गरेको छ। कतार विरुद्धको टोलीमा नेपालले एक परिवर्तन गरेको हो। नेपालले आज सन्दीप जोराको स्थानमा लोकेश बमलाई प्लेइङ ११ मा समेटेको छ।
बुधबार भएको दिनको पहिलो खेलमा युएइले सामाओलाई ७७ रनको फराकिलो अन्तरले पराजित गरेपछि नेपाल लगातार दोस्रो पटक तथा समग्रमा तेस्रो पटक टी–२० विश्वकप खेल्ने पक्का भएको थियो।
आगामी वर्ष भारत र श्रीलंकामा हुने टी–२ विश्वकपमा नेपालले स्थान पक्का गर्यो। प्रतियोगितामा नेपाल र ओमान अपराजित रहँदै छनोट भए। ओमान विरुद्धको यो खेललाई च्याम्पियन बनेर विश्वकप पुग्ने नेपालको चाहनामा निर्णायक हुनेछ।
भर्खरै
लोकप्रिय
