अ
+
अ
अ
-
जनमत पार्टीका अध्यक्ष सिके राउत दल विभाजन रोक्न माग गर्दै सर्वोच्च अदालत पुगेका छन्। राउतले बिहीबार सर्वोच्चमा रिट दर्ता गराएका छन् जसको पेसी शुक्रबारका लागि तोकिएको छ।
राउतले रिटमा अलग्गै दल दर्ता गराउन दिएको निवेदन अघि नबढाउनू भनी अन्तरिम आदेश जारी गर्न माग गरेका छन्।
राउतले रिटमा निर्वाचन आयोगलाई पनि विपक्षी बनाएका छन्।
उनले जनमत पार्टीमा नयाँ दल विभाजनको वैधानिक आधार नभएको र आयोगले दर्ता गराउन सक्ने भएकाले पहिलो सुनुवाइमै अन्तरिम आदेश जारी गर्न माग गरेका हुन्।
राउत नेतृत्वको जनमत पार्टी विभाजित भएर एउटा पक्षले आइतबार नयाँ दल दर्ताका लागि निर्वाचन आयोगमा निवेदन दिएको छ। उपाध्यक्ष दीपक साहको नेतृत्वमा करिब २० प्रतिशत केन्द्रीय कार्यकारिणी सदस्यले नयाँ दल दर्ताका लागि निवेदन दिएका हुन्।
भर्खरै
लोकप्रिय
