- दाङमा होटलमा जुवातास खेलिरहेको अवस्थामा प्रहरीले ११ जनालाई नगदसहित पक्राउ गरेको छ।
- प्रहरीले करिब १ बजे धावा बोलेर १ लाख ८८ हजार ८८० रुपैयाँ र ११ गड्डी तास बरामद गर्यो।
- पक्राउ परेकाहरूमाथि जिल्ला प्रशासन कार्यालय दाङबाट म्याद थप गरी अनुसन्धान जारी छ।
दाङ – दाङमा होटलको कोठामा जुवातास खेलिरहेको अवस्थामा ११ जना पक्राउ परेका छन्। मध्य राति करिब १ बजे घोराही उपमहानगरपालिका–१५ शहीद गेट नजिक रहेको होटल सुपर लजको कोठा नम्बर १०३ मा पैसाको हारजित हुने गरी जुवातास खेलिरहेको भन्ने सूचनाका आधारमा प्रहरीले छापा मारेको हो।
प्रहरी निरीक्षक कविराज रोकायको कमाण्डमा खटिएको टोलीले कोठाबाट नगद १ लाख ८८ हजार ८ सय २० रुपैयाँ र ११ गड्डी तास बरामद गरेको जनाएको छ। सोही क्रममा जुवातास खेलिरहेको अवस्थामा ११ जनालाई पक्राउ गरिएको हो।
पक्राउ पर्नेहरुमा तुलसीपुर उपमहानगरपालिका–६ का ४८ वर्षीय सुरेन्द्र हमाल, तुलसीपुर–९ का ४५ वर्षीय गुम बहादुर चलाउने, तुलसीपुरकै ५० वर्षीय विर बहादुर बस्याल, घोराही–१४ का ५० वर्षीय विष्णु गुप्ता, घोराही–१५ का ३९ वर्षीय खिम बहादुर डाँगी, घोराही–१३ का ३३ वर्षीय सुर्य बोहरा, घोराही–११ का २७ वर्षीय गोबिन्द डाँगी, घोराही–१७ का ३१ वर्षीय रजनिस चौधरी, घोराहीकै ३१ वर्षीय पंकज न्यौपाने र आकाश लम्साल, तथा घोराही–३ का २० वर्षीय सुरज पुन रहेका छन्।
प्रहरीका अनुसार पक्राउ परेकाहरूमाथि जिल्ला प्रशासन कार्यालय दाङबाट सात दिनको म्याद थप गरी थप अनुसन्धान भइरहेको छ।
भर्खरै
लोकप्रिय
