काठमाडौं- काठमाडौं महानगरपालिकाले छठ पर्वका लागि काठमाडौंका आठ स्थानमा व्यवस्थापन गरेको छ।
काठमाडौं महानगर प्रहरी प्रमुख राजुनाथ पाण्डेले शनिबार पत्रकार सम्मेलन गर्दै हरेक वर्ष झैं यस बर्ष पनि उपत्यकामा भव्य रुपमा छठ पर्व मनाउने विभिन्न आठ स्थानमा व्यवस्थापन गरिएको जानकारी दिएका हुन्।
उनका अनुसार कमलपोखरी, गौरीघाट, बोक्सीदह, तीनकुने दोभान, टंकेश्वर, बल्खु कुमारी क्लबको अगाडि, कुलेश्वर भलिबल ग्राउण्ड र रामघाटमा छठका लागि आवश्यक व्यवस्थापन गरिएको छ।
ती स्थानमा केही दिनदेखि सरसफाइ गरिरहेको र कुनै किसिमको समस्या भए महानगरमा सम्पर्क गर्न महानगर प्रहरी प्रमुख पाण्डेले आग्रह गरेका छन्।
छठ पर्व मनाउने स्थानमा सवारी साधन पार्किङ नगर्न आग्रह गर्दै उनले ती स्थानमा साढे तीन सयको संख्यामा सरसफाइ कर्मचारीका साथै महानगर प्रहरी परिचालन गरिएको जानकारी पनि दिए। छठ घाटका लागि तोकिएका स्थानमा भक्तजनसँग शुल्क उठाउन रोक लगाइएकाे पनि उनले जानकारी दिए।
भर्खरै
लोकप्रिय
