- नेपालमा मन्था चक्रवातको असर देखिन थालेपछि विपद् प्राधिकरणले सातबुँदे अनुरोध जारी गरेको छ।
- कोशी, बागमती र मधेश प्रदेशमा चक्रवातले वर्षा र हिमपात गराउन सक्ने चेतावनी दिइएको छ।
- नागरिकहरूलाई यात्रा नगर्न, उच्च स्थानमा सुरक्षित बस्न र मौसमी जानकारी लिन प्राधिकरणले आग्रह गरेको छ।
प्राधिकरणको सात बुँदे अनुरोध
– अत्यन्त जरुरी नभई सकेसम्म यात्रा नगर्ने ।
– डुबान हुनसक्ने बस्तीका बासिन्दाले उँचो (अग्लो) र सुरक्षित स्थानबारे जानकारी लिने र अरुलाई पनि जानकारी दिने । आवश्यक पर्नासाथ सुरक्षित स्थानमा जाने ।
– प्रभावित हुनसक्ने नदी किनाराका बासिन्दा सतर्क भइराख्ने । जोखिम देखिए सुरक्षित स्थानमा सर्ने ।
– धान तथा अन्यबाली नकाट्ने, काटेको भए तत्काल भित्र्याउने ।
– प्रभावित हुनसक्ने जिल्लाका विपद् व्यवस्थापन समिति एवं सुरक्षा समितिले आवश्यकताअनुसार सवारी आवागमनबारे निर्णय गर्ने । सोको पालना गर्ने, गराउने ।
– तीनवटै सुरक्षा निकाय, स्थानीय तह, स्वयंसेवकलगायत सरोकारवाला सबै निकाय प्रतिकार्यका लागि तयारी अवस्थामा रहने ।
– पूर्वतयारी, पूर्वकार्य र प्रतिकार्यमा सहयोग गर्ने साझेदार संस्थाहरू जिल्ला विपद् व्यवस्थापन समिति र स्थानीय विपद् व्यवस्थापन समितिको सम्पर्कमा रही सतर्क (अलर्टमा) रहने ।
भर्खरै
लोकप्रिय
