- तिहार सकिएलगत्तै, हुम्लावासीले ६ महिनाका लागि पशुबस्तुको लागि घाँस काट्ने चटारो सुरु गरेका छन्।
- अधिकांश सदस्य बनमा गई व्यक्तिगत र सार्वजनिक ठाउँबाट घाँस काटेर संकलन गर्न व्यस्त छन्।
- हिमाली क्षेत्रमा घाँस कम हुने भएकाले, तीन सयभन्दा बढी घाँसका मुठा संकलन गर्ने चलन छ।
हुम्ला – तिहार सकिएलगत्तै हुम्लावासीलाई घाँस काट्ने चटारो सुरु भएको छ। पशुवस्तु घरमै पाल्नुपर्ने भएको हुँदा ६ महिनाका लागि अन्नपात थन्क्याउने चटारोजस्तै घाँस काट्न सुरु गरिएको हो।
सिमकोट गाउँपालिका– २ का लालधन बोहराले तिहार सकिएपछि स्थानीयलाई पशुबस्तुका लागि घास काट्ने चटरो सुरु भएको बताए। यतिबेला किसानलाई जसरी अन्नबाली थक्याउने कम जत्तिक्कै घाँस काट्ने काम पनि उस्तै गरी गर्नु परिरहेको होे।
घरमा भएका अधिकांश सदस्य बनमा ब्यक्तिगत र सार्वजनिक ठाउँमा गएर घाँस काट्ने अनि जम्मा गर्ने गर्छन्। कतिपयले त घाँस काँट्न खेतालासमेत खोज्ने गर्छन्।
तीनदेखि चार दिन लगातार घाँस काटेर मुठ्ठा (पुला) बाँँँध्ने र एक ठाउँमा संकलन गर्ने गरेको खार्पुनाथ गाउँपालिका– ५ जानकी कामीले बताए।
उनले भने, ‘अहिले काटेको घाँस हिउँद ६ महिनाका लागि जोगाड गरिन्छ। काटेको घाँस वनमै राख्ने र फागुन चैत महिनामा ल्याउने चलन छ।’
हिमाली क्षेत्रको वनमा हिउँदमा वनमा घाँस थोरै हुने भएकाले यसरी काटेर संकलन गरिएको घाँस बिहान–बेलुका पशुबस्तुलाई खुवाउने गरिन्छ।
कम्तीमा पनि तीन सयभन्दा बढी घाँसका मुठा एउटा परिवारले काटेर राख्ने गर्छ।
भर्खरै
लोकप्रिय
