अ
+
अ
अ
-
दाङ- रोल्पाको सुनिलस्मृति गाउँपालिका–४, सुलिचौरबाट किलाचौर जाँदै गरेको लु २ च ८०१५ नम्बरको डबल क्याब बोलेरो जीप दुर्घटना हुँदा एक जनाको मृत्यु भएको छ भने तीन जना घाइते भएका छन्।
इलाका प्रहरी कार्यालय सुलिचौरका अनुसार गएराति करिब १० बजे जीप धुलेओडार भन्ने स्थानमा सडकबाट करिब ३०० मिटर तल खोलामा खसेको थियो। दुर्घटनामा परी सुनिलस्मृति गाउँपालिका–६ का ३२ वर्षीय चालक थम्मन रोकामगरको मृत्यु भएको हो।
घाइते हुनेहरूमा लुङ्ग्री गाउँपालिका–७ का ४० वर्षीय खिमबहादुर पुन, लुङ्ग्री–४ की २७ वर्षीया भावना गिरी र उनकी ५ वर्षीया छोरी शान्ति गिरी रहेका छन्। प्रहरी निरीक्षक अनिलकुमार चौधरीका अनुसार उनीहरूलाई विभिन्न चोटपटक लागेको र अवस्था मध्यम रहेको छ।
सुलिचौरमा उपचार सम्भव नभएपछि घाइतेहरूलाई भैरहवास्थित मेडिकल कलेजमा रिफर गरिएको प्रहरीले जनाएको छ।
भर्खरै
लोकप्रिय
