- नर्सहरूले उचित पारिश्रमिक र सेवा सुविधा माग गर्दै काठमाडौंको नीजामती कर्मचारी अस्पतालमा धर्ना दिए।
- उनीहरुले योग्यता र अनुभवको आधारमा सेवा दिन सरकारलाई दबाब दिँदै ऐक्यवद्धता जनाए।
- प्लेकार्डसहित धर्ना बसेका नर्सहरूले जोखिम र अतिरिक्त भत्ताको तत्काल व्यवस्था गर्न माग गरे।
काठमाडौँ- निजामती कर्मचारी अस्पतालमा नर्सहरुले पनि आन्दोलन सुरु गरेका छन् । शुक्रबार काठमाडौँको मीनभवनस्थित सो अस्पतालको मूल गेटमा धर्ना दिँदै उनीहरूले उचित पारिश्रमिक दिनुपर्ने लगायतका नेपाल नर्सिङ संघले सरकारलाई बुझाएको १५ बुँदे मागसहितको आन्दोलनमा ऐक्यवद्धता जनाएका हुन् ।
न्युनतम सेवा र सुविधाबाट वञ्चित नगर्न माग गर्दै सो संघले जारी राखेको आन्दोलनमा आफूहरुले पनि धर्नामार्फत ऐक्यवद्धता जनाएको बताएका छन् । उनीहरूले योग्यता र अनुभवको आधारमा आफूहरूलाई सेवा दिने व्यवस्था गर्न पनि सरकारलाई दबाब दिए ।
आन्दोलनरत एक नर्सले भनिन् ‘चौबिसै घण्टा सेवा दिने हामीहरु आवश्यक सेवा लिनबाट बञ्चित छौं । र जुन माग नेपाल नर्सिङ संघले मागेको छ नेपाल सरकारसँग । सबैलाई आवश्यक सेवा सुविधा हुनुपर्छ भनेर । त्यही मागलाई हामीले पनि धर्नामार्फत साथ दिएका हौँ ।’
बिहान १० बजेदेखि १२ बजेसम्म धर्नामा बसेका उनीहरुले श्रमको उचित मूल्यांकन गर, योग्यता र अनुभवकोअनुसार पारिश्रमिक कायम गर, जोखिम भत्ता र अतिरिक्त भत्ताको तत्काल व्यवस्था गर भन्ने प्लेकार्डसहित धर्नामा बसेका थिए ।
नेपाल नर्सिङ संघको आह्वानमा देशभर नर्सहरुले आफूहरुको न्युनतम सेवा, सुविधाको तत्काल व्यवस्था गर्नुपर्नेलगायतका माग राखि देशभर विरोध प्रदर्शन गर्दै आएका छन् ।
भर्खरै
लोकप्रिय
