- वामपन्थी दलहरुको एकता घोषणा १९ गते एकीकृत समाजवादीसहित ८ दलबीच सुकेधारामा हुने जनाइएको छ।
- एकीकृत पार्टीको नाम ‘नेपाल कम्युनिष्ट पार्टी समाजवादी’ राख्ने सहमति भएको, चुनाव चिन्हबारे टुंगो लाग्न बाँकी छ।
- एकता घोषणापछि २० गते पहिलो बैठक बस्ने, माओवादी र एकीकृत समाजवादीले छुट्टाछुट्टै बैठक तयारी गरेका छन्।
काठमाडौँ – माओवादी केन्द्र, एकीकृत समाजवासहितका वामपन्थी दलहरुको एकता घोषणा कात्तिक १९ गते हुने भएको छ।
बुधबार ११ बजे सुकेधारस्थित एक पार्टी प्यालेसमा आठ पार्टीबीच एकता घोषणा हुने एकीकृत समाजवादीबाट वार्ता टोलीमा रहेका प्रकाश ज्वालाले जानकारी दिए। यसअघि सोमबार नै एकता घोषणाको तयारी थियो। तयारी नपुगेपछि दुई दिन पर सारिएको हो।
एकीकृत पार्टीको नाम नेपाल कम्युनिष्ट पार्टी समाजवादी राख्ने सहमति भएको छ। चुनाव चिन्हबारे अझै टुंगो लाग्न बाँकी छ।
बुधबार माओवादी र समाजवादीसँगै विप्लव नेतृत्वको नेकपाबाट शुक्रबार मात्रै विभाजित चिरन पुनको नेतृत्वको समूह, महिन्द्र राय यादव नेतृत्वको नेसपा, प्रेमबहादुर सिंह समूह, राजु कार्की नेतृत्वको नेकपा समाजवादी र सुभाषराज काफ्ले नेतृत्वको जनसमाजवादी सहितका वाम घटकहरु पनि हुने भएको हो।
एकता घोषणापछि २० गते एकीकृत पार्टीको पहिलो बैठक बस्नेछ। माओवादी केन्द्रको आइतबार पेरिसडाँडामा बसेको पार्टी सचिवालय बैठक र एकीकृत समाजवादीको पार्टी कार्यालय आलोकनगरमा बसेको बैठकले २० गते बैठक बस्ने हो। माओवादीले १८ गते विघटित पार्टी केन्द्रिय कमिटी बैठक बोलाएको छ ।
पार्टी एकतामा जाने भएपछि एकीकृत समाजवादीका झलनाथ खनाल र घनश्याम भुसाल, माओवादीका जनार्दश शर्माले विरोध गरेका छन्। संभवत उनीहरु एकतामा सहभागी नहुने भएका छन्।
भर्खरै
लोकप्रिय
