दोलखा –: रोल्वालिङ क्षेत्रमा हिमपहिरो जाँदा मृत्यु हुने पर्यटकको संख्या ७ पुगेको छ। जसमा ५ जना विदेशी र दुई जना नेपाली छन्। चार पर्यटक अझै बेपत्ता छन्। पहिरोमा परेर ४ पर्यटक घाइते भएका छन्।
कात्तिक ११ गते दोलखाको गौरीशंकर गाउँपालिका-९ मा पर्ने रोल्वालिङ क्षेत्रमा रहेको ५६३० मिटरको यलुङ रि हिमाल आरोहणका लागि १५ जनाको टोली गएका थिए। उनीहरू सोमबार बिहान ८ बजेतिर हिमपहिरोमा परेका दोलखाका प्रहरी प्रमुख प्रहरी नायब उपरीक्षक ज्ञानकुमार महतोले बताए। १५ जनाको टोलीहरूमा को के भए भनेर पहिचान खुल्न सकेको छैन।
आरोहण टिममा दुई/तीन वटा ग्रुप रहेको र एउटा ग्रुपमा दुई जना विदेशीसहित चारजना रहेको स्थानीयले बताएका छन्। उनीहरू यलुङ रि आरोहण लगतै ६ हजार मिटर माथिको रोल्वालिङ क्षेत्रमै पर्ने डोल्मा खाङ हिमाल आरोहणको तयारीमा रहेको पनि बताए। डोल्मा खाङ हिमाल आरोहणको तयारीमा रहेको दुईजना ना गाउँमा बसेको स्थानीयले बताएका छन्।
भर्खरै
लोकप्रिय
