- व्यवसायीहरूले अवैध रुपमा भएको प्रहरी छापाको विरोधमा जनकपुरधाममा बजार आज दिउँसो १२ बजेसम्म बन्द गरे।
- व्यवसायीहरूले चरणवद्ध आन्दोलन गरेर कालो झण्डा र पट्टी बाँधेर आफ्नो व्यवसाय संचालन गरिरहेका छन्।
- गत असोज ३१ गते प्रहरी सुनचाँदी पसलमा छापा मार्न गएका बेला व्यापारी र प्रहरीबीच झडप भएको थियो।
जनकपुरधाम- प्रहरीले छापामारेको विरोधमा आज जनकपुरधाम बजार बन्द भएको छ । व्यवसायीहरुले अवैध रुपमा प्रहरीले छापा मारेको भन्दै धनुषाका प्रहरी नायव उपरीक्षक गणेशबहादुर बम र घुमुवा प्रहरी सहायक निरीक्षक मनोजकुमार यादवलगायतलाई कारबाही गर्नुपर्ने भन्दै प्रमुख जिल्ला अधिकारी र मधेस प्रदेशका डिआइजीलाई ज्ञापन पत्र बुझाएकोमा कारबाही नगरेको भन्दै आज दिउँसो १२ बजेसम्म पसल बन्द गरेका हुन्।
गत असोज ३१ गते सुनचाँदी बजारमा घटेको घटनामा प्रहरीद्वारा दमन गरिएको र व्यापारीलाई तर्साउने काम भएकोमा कारबाहीका लागि चार बुँदे मागसहित धनुषाका प्रमुख जिल्ला अधिकारी र मधेस प्रदेशका डिआइजीलाई ज्ञापन दिएकोमा कुनै सुनवाइ नभएपछि विरोधमा उत्रेको संघका कार्यवाहक अध्यक्ष मनोजकुमार साहले जनाएका हुन् ।
व्यवसायीहरुले चरणवद्ध रुपमा आन्दोलन गरिरहेका छन् जसअनुसार शनिबार, आइतबार र सोमबार आ–आफ्नो पसलमा कालो झण्डा र कालो पट्टी बाँधेर व्यवसाय सञ्चालन गरेका थिए भने आज १२ बजेसम्मका लागि पसल बन्द गरेका छन् ।
गत असोज ३१ गते जनकपुरधाममा प्रहरी सुनचाँदी पसलमा छापा मार्न जाँदा व्यापारी र प्रहरीबीच झडप भएको थियो । अवैध रुपमा भित्रिएको सुनचाँदी बिक्री भईरहेको सूचनाको आधार प्रहरीको टोली छापा मार्न गएका थिए । सोही क्रममा प्रहरीमाथि ढुगामुढा गर्न खोजा झापड भएको थियो ।
ढुगामुढा भएपछि प्रहरीले लाठि चार्ज गर्दा तनाव सृजना भएको थियो । प्रहरीले सो क्रममा अश्रुग्यास र हवाई फायर गरेका थिए भने प्रहरीको लाठी चार्जबाट संघका अध्यक्ष सुरेन्द्र भण्डारी लगायत केही जना घाइते भएका थिए ।
भर्खरै
लोकप्रिय
