जनकपुरधाम- सर्लाहीमा ट्रयाक्टर र मोटरसाइकल एक आपसमा ठोकिँदा एक जनाको मृत्यु भएको छ भने एक जना घाइते भएका छन् ।
बिहीबार साँझ करिब सावा ६ बजेको समयमा काबिलासी नगरपालिका ६ मदनपुर बजारबाट पाँच सय मिटर पूर्व भित्री सडकखण्डमा सल्लेमपुरबाट बरहथवातर्फ जाँदै गरेको आलु प्याज लोड गरेको ज १ त ६२०३ नम्बरको ट्रयाक्टर र सोही दिशातर्फ जाँदै गरेको बा ४७ प ९८९२ नम्बरको मोटरसाइकल ट्रयाक्टरसँग ठक्कर खाँदा दुर्घटना भएको थियो ।
जिल्ला प्रहरी कार्यालय सर्लाहीका प्रहरी प्रवक्ता प्रहरी नायव उपरीक्षक सरोज राईका अनुसार उक्त दुर्घटनामा परेर मोटरसाइकल चालक चन्द्रनगर गाउँपालिका ५ महोनपुर बस्ने ४२ वर्षीय सुरेन्द्र ठाकुर लोहारको मृत्यु भएको छ । टाउकोमा चोट लागेका उनलाई राति करिब ८ बजे चिकित्सकले उनलाई मृत घोषणा गरेका थिए ।
यस्तै, मोटरसाइकलको पछाडि सवार बरहथवा नगरपालिका ७ बस्ने १९ वर्षीय राजु ठाकुर लोहार घाइते भएका छन् ।
यस सम्बन्धमा थप अनुसन्धान भइरहेको जिल्ला प्रहरी कार्यालय सर्लाहीले जनाएको छ ।
भर्खरै
लोकप्रिय
