ढोरपाटन जाँदै गरेको जिप दुर्घटना हुँदा एकको मृत्यु

बागलुङको बोबाङबाट ढोरपाटन जाँदै गरेको पिकअप जिप दुर्घटना हुँदा एक जनाको मृत्यु भएको छ ।

शुक्रबार राति १० बजे ढोरपाटन नगरपालिका ९ चौबिरमा पिकअप जिप दुर्घटना हुँदा स्थानीय राजिन्द्र अदैको मृत्यु भएको ढोरपाटन नगरपालिकाका कार्यवाहक प्रमुख कल्याण कायतले बताए।

उनका अनुसार जिप दुर्घटनामा अन्य चार जना घाइते भएका छन् ।

घाइते हुनेहरुलाई उपचारका लागि बुर्तिबाङ अस्पतालमा ल्याउँदै गरिएको छ । बोबाङबाट ढोरपाटन जाँदै गरेको  पिकअप जिपमा ५ जना  चढेका  थिए भने उकालोमा ब्रेकफेल हुँदा उक्त जिप दुर्घटना भएको जनाइएको छ ।