हुम्ला – नेपाल र चीनको सिमाना हिल्सामा निर्माण पूरा भएको एक वर्ष भए पनि मैत्री पुल सञ्चालनमा आउन सकेको छैन। चिनियाँ पक्षले निर्माण पूरा गरेको मैत्री पुल सञ्चालनका लागि आवश्यक प्रक्रिया भइरहेका कारण सञ्चालनमा आउन नसकेको हो।
हिल्सामा गत वर्ष मंसिरमा निर्माण पूरा भएको दुई देशको सिमामा हिल्साको कर्णाली नदीमाथि मैत्री पुल हालसम्म सञ्चालनमा आउन नसकेको यारी नाका भन्सार कार्यालयका प्रमुख रामराज जैसीले बताए।
निर्माण भएको पुल सञ्चालनमा आउन नसक्नुको कारणबारे हिल्साकै चिनियाँ कष्टमका अधिकारीसँग जिज्ञासा राख्दा उक्त पुल सञ्चालन गर्न आवश्यक प्रक्रियाका लागि केन्द्रमा लेखी पठाएको र त्यो प्रक्रिया अगाडि बढिरहेको जवाफ आउने गरेको भन्ने उनको भनाइ छ।
पुल सञ्चालमा नआउदा हिल्साबाट ताक्लाको जाँदा र ताक्लाकोटबाट हिल्सामा फर्कदा पैदल भारी बोकेर हिँड्नुपर्ने अवस्था छ। नेपालको तर्फबाट सो मैत्री पुल निर्माण गर्दा समन्वयको जिम्मा पाएको हिल्सा–सिमकोट सडक योजनाका प्रमुख बेलबहादुर नेपालीले पुस सञ्चालनबारे आफूलाई कुनै जानकारी नआाएको बताए।
भर्खरै
लोकप्रिय
