काठमाडौँ – नेपाल राष्ट्र बैंकका गभर्नर डा. विश्वनाथ पौडेलले उच्च मनोबलका साथ काम गर्न उद्योगी, व्यवसायीलाई आग्रह गरेका छन्।
शनिबार काठमाडौँमा आयोजित राष्ट्रिय आर्थिक बहस कार्यक्रममा बोल्दै उनले जेन–जी आन्दोलनपछि उत्पन्न परिस्थितिलाई अवसरको रुपमा लिएर उच्च मनोबलका साथ काम गर्न उनले निजी क्षेत्रलाई आग्रह गरे।
गभर्नर पौडेलले नयाँ विजनेस बनाएर अघि बढ्नसके केही दुर्घटना परेजस्तो देखिएको नेपालको उद्योग व्यवसाय सुधार हुने अवस्था रहेकोसमेत बताए।
उनले अहिले वैधानिक सरकार रहेको र केही समयपछि जननिर्वाचित सरकार बन्ने भएकाले उद्योग क्षेत्रको विकासमा अघि बढ्नका लागि निजी क्षेत्रले निराश भएर बस्नुपर्ने अवस्था नरहेको बताए।
उनले भने, ‘नयाँ विजनेस बनाउनुस्, उच्च मनोवलका साथ काम गर्नुस्। एउटा दुर्घटनाजस्तो भयो। तर, तत्काल वैधानिक गभर्मेन्ट छ। यो अवसरलाई तपाईंहरुले पोजेटिभली लिएर यसलाई युज गर्नतिर लाग्नुहोला। इकोनोमीमा मनोबलको एकदमै ठूलो काम हुन्छ। त्यो मनोवलले हामीसँग पैसा पनि छ। हामीसँग गभर्नेन्स पनि छ। अब फेरि इलेक्टेड गभर्मेन्ट आउँछ।’
भर्खरै
लोकप्रिय
