काठमाडौँ – नेपाल प्रहरीको केन्द्रीय अनुसन्धान ब्यूरो (सिआइबी)ले नेपाल ट्रष्टका तत्कालीन सहसचिव लेखबहादुर कार्कीलाई पक्राउ गरेको छ।
नेपाल ट्रष्टको जग्गा लिजमा दिँदा अनियमितताको गरेको आरोपमा सिआइबीले कार्कीलाई पक्राउ गरेको हो। ठगी तथा आपराधिक विश्वासघातसम्बन्धी आरोपमा उनलाई शुक्रबार पक्राउ गरिएको हो।
चितवनको भरतपुर महानगरपालिका–१५ निवासी उनले हाल अवकाश पाइसकेका छन्।
नेपाल ट्रष्टको नाममा दर्ता काठमाडौँ महानगरपालिका–१, दरबारमार्गस्थित जग्गा थामशेर्कु ट्रेकिङ प्रा.लिलाई लिजमा दिने क्रममा कानूनी प्रक्रिया र समितिको निर्णयबिना नै सम्झौता गरिएको अनुसन्धानमा देखिएको छ। उक्त सम्झौता २०७४ जेठ १४ गते गरिएको थियो।
सो क्रममा ट्रस्टको नाममा रहेको कित्ता नम्बर ४६०६ बाहेक अर्को कित्ता नम्बर ४६०५ समेत गैरकानूनी रूपमा लिजमा दिइएको थियो। साथै ३ वर्षको निर्माण अवधिसहित ३० वर्षको लागि बिओटी मोडेलमा सम्झौता गरी नेपाल ट्रस्टलाई दीर्घकालीन हानी पुर्याइएको प्रारम्भिक अनुसन्धानमा खुल्न आएको प्रहरीले जनाएको छ।
भर्खरै
लोकप्रिय
