अ
+
अ
अ
-
विराटनगर- बडादशैंको अवसरमा विराटनगरस्थित ऐतिहासिक काली मन्दिरमा चढाइएको बलिबाट ३ लाख रुपैयाँभन्दा बढी भेटी संकलन भएको छ।
विराटनगरको मेनरोडमा रहेको काली मन्दिरमा दशैंका षष्ठी, सप्तमी, नवमी र दशमीका दिन भक्तजनले भाकलस्वरूप बलि चढाउने परम्परा रहिआएको छ।
मन्दिर व्यवस्थापन समितिका बलि संयोजक दिनेश रायका अनुसार यस वर्ष पाँच दिनसम्म चलेको बलिबाट ३ लाख १९ हजार ८ सय रुपैयाँ संकलन भएको हो।
मन्दिरले तोकेको दरअनुसार बोकाको बलिबापत प्रति एकाइ १ सय रुपैयाँ राखिएको छ। यसपटक १ हजार ६ सय ९३ वटा बोकाको बलिबाट १ लाख ६९ हजार ३ सय रुपैयाँ संकलन भएको समितिले जनाएको छ।
त्यस्तै, हाँस र कुखुराको बलिबापत प्रति एकाइ ५० रुपैयाँ दर राखिएकोमा ३ हजार १० वटा बलिबाट १ लाख ५० हजार ५ सय रुपैयाँ संकलन भएको छ।
भर्खरै
लोकप्रिय
