काठमाडौं- मंसिर २१ गते सम्पन्न भएको प्रतिनिधि सभा र प्रदेश सभाको निर्वाचनमा निर्वाचित भएपछि केन्द्रीय प्रतिनिधि र प्रदेश प्रतिनिधिको मुहारमा खुसियाली छाएको छ। जनताले आफ्नो विवेकसम्मत मत हाली बहुमतले जिताएपछि उनीहरुको मुहारमा खुसियाली छाएको हो।
कैलालीबाट प्रधानमन्त्री पत्नी आरजू राणालाई नारदमुनि रानाले भारी मत अन्तरले हराएपछि त्यस क्षेत्रमा स्थानीले र्याली र विजय जुलुस निकालेका छन्। यस्तै दाङमा जितको खुसियालीमा दलका नेता कार्यकर्ता र शुभचिन्तकले र्याली निकालेका छन्।
यसैगरी प्रतिष्ठाको राजनीति मानिकएको धनुषामा राष्ट्रिय जनता पार्टीका अध्यक्ष मण्डलका राजेन्द्र महतोले कांग्रेस नेता विमलेन्द्र निधिलाई पराजित गरेपछिको खुसियालीमा उनलाई नगर परिक्रमा गराइएको छ। सडकमा स्थानीहरु अबिर साटासाट मात्र गरेका छैनन्, आफ्नो प्रतिनिधि पाएकोमा अब विकासको आशा र भरोसा लिएर बसेका छन्।
यस्तै गोरखामा नयाँ शक्ति पार्टीका संयोजक डा.बाबुराम भट्टराईले जितेपछि उनका समर्थक र शुभचिन्तकले बधाई दिएका छन्। यस्तै निर्वाचित बाम र लोकतान्त्रिक गठबन्धन, संघीय समाजवादी पार्टी, राष्ट्रिय प्रजातन्त्र पार्टी लगायतका निर्वाचित दल र स्वतन्त्रका शुभचिन्तकहरुले विजय जुलुश देशैभरी निकालेका छन्।
यो पनि हेर्नुहोस्:
भर्खरै
लोकप्रिय
