काठमाडौंँ- वीर अस्पतालमा प्रहरी नियन्त्रणमै अढनशनमा रहेका डा. गोविन्द केसीको ‘अदालतको मानहानि मुद्दा’मा बुधबार बहस हुँदैछ। उनलाई साढे नाै बजे नै वीर अस्पतालबाट सर्वोच्च अदालत लगिएको छ।
उनको पक्ष र विपक्षमा वकिलहरुले बहस गर्ने छन्। केसीका पक्षमा बहस गर्न सयभन्दा बढी वकिलहरुले नाम दर्ता गराएको उनका पक्षधर वरिष्ठ न्यायाधीश दिनेश त्रिपाठीले बताए।
सर्वोच्चले मंगलबार डा. केसीसँग लामो बयान लिएको थियो।
बयानका क्रममा डा. केसीले सर्वोच्चका प्रधान न्यायाधीश गोपाल पराजुलीमाथि ११ अभियोग लगाएका छन्।
बयानपछि डा. केसीलाई सुविधाजनक ठाउँमा बसाल्नु भन्ने निर्देशन सर्वोच्चले दिएपछि उनलाई वीर अस्पतालको क्याविनमा पुर्याइएको थियो।
उनलाई कडा टाउको दुखाइ, मुटुको धड्कन तीव्र हुने र मांसपेशी बाउँडिने समस्या देखिएको छ। ती समस्या समाधानका लागि उनले औषधि लिन नमानेको उनको उपचारको नेतृत्व गरिरहेका अस्पतालका मेडिसिन युनिटका प्रमुख डा. सुरेन्द्रलाल श्रेष्ठले बताए।
डा. केसीले आफू सत्याग्रहमा रहेकाले कुनै पनि औषधि नखाने अडान लिएका छन्।
यो पनि पढ्नुहोस्…
भर्खरै
लोकप्रिय
