काठमाडौँ: निर्वाचनमा राम्रो नजिता ल्याउन नसकेको नेपाली कांग्रेसको केन्द्रीय कार्यसम्पादनको बैठक जारी छ।
कांग्रेस सभापति एवं प्रधानमन्त्री शेरबहादुर देउवाको निवास बालुवाटारमा बिहान ९ बजेदेखि बैठक चलिरहेको छ। बैठकले शुक्रबार प्रदेशसभातर्फको समानुपातिक सांसद छनौट गर्ने प्रधानमन्त्रीका प्रेस संयोजक गोविन्द परियारले जनाएका छन्।
प्रदेशसभातर्फ ७२ सिट पाउने भएको कांग्रेसले शुक्रबार नामहरुको निर्णय गर्न लागेको हो। कांग्रेसलाई शुक्रबार नै समानुपातिकको सूची निर्वाचन आयोगमा बुझाउनु पर्ने दबाब छ।
बैठकमा राष्ट्रपति कार्यालयमा थन्किएको राष्ट्रियसभा गठनसम्बन्धी अध्यादेशबारे छलफल हुने भनिएको थियो। तर, बैठक चलिरहेकै बेला राष्ट्रपतिबाट अध्यायदेश जारी भइसकेको छ। प्रधानमन्त्री देउवा, महामन्त्री सशांक कोइरालालगायत पदाधिकारीको भेटपछि बैठकको मिति तय भएको थियो।
कार्यसम्पादन समितिको बैठकपछि केन्द्रीय समितिको बैठक बोलाउने तयारीमा सभापति देउवा छन्।
यसअघि पहिले केन्द्रीय समितिको बैठक बोलाउने तयारी देउवाको थियो। तर सुरुमा कार्यसम्पादनको बैठक नै बोलाउन दबाब परेपछि देउवाले शुक्रबार उक्त बैठक बोलाएका हुन्।
यो पनि हेर्नुहोस्:
भर्खरै
लोकप्रिय
