काठमाडौ-पाँच राष्ट्रिय दलहरुको सामूहिक बैठकद्धारा पर्सी बिहीबार राष्ट्रियसभाको निर्वाचन मिति तोकिने भएको छ।
नेपाली कांग्रेसका सभापति एवं प्रधानमन्त्री शेरबहादुर देउवा र माओवादी केन्द्रका अध्यक्ष पुष्पकमल दाहालबीच मंगलबार भएको बैठकमा पर्सी सर्वदलीय बैठकद्धारा राष्ट्रिय सभा निर्वाचन मिति निर्धारण गर्ने सहमति भएको प्रधानमन्त्रीका प्रेस संयोजक गोविन्द परियारले देशसञ्चारलाई जानकारी दिए।
यसअघि निर्वाचन आयोगले आगामी माघ २५ गतेसम्म राष्ट्रियसभा निर्वाचन सम्पन्न गर्न सरकारसँग आग्रह गरेको थियो। माघ २५ वा त्यसपछिको मितिमा निर्वाचन गर्नेबारे राष्ट्रिय दलहरुको सहमतिबाट निर्धारण हुने दुई नेताबीच सहमति भएको परियारले बताए।
दुई नेताबीच प्रदेश प्रमुखको नियुक्तिबारे पनि छलफल भएको थियो। प्रचण्डले उनीहरुको नियुक्ति राजनीतिक सहमतिमै गर्नु उपयुक्त हुने देउवालाई सुझाव दिएका थिए। पर्सीको बैठकमा यो विषय पनि आउने बुझिएको छ।
यो पनि हेर्नुहोस्:
भर्खरै
लोकप्रिय
