सुर्खेत-पश्चिम नेपालको भ्रमणमा निस्केका पूर्वराजा ज्ञानेन्द्र शाह बुधबार सुर्खेत आइपुगेका छन्।सुर्खेतको प्रशिद्ध तिर्थस्थल देउती बज्यैको दर्शन एवम् पूजाअर्चना गर्न राजा माघ तीन गते (बुधबार) सुर्खेत आएका हुन्।
सुर्खेत आएका पूर्वा राजा ज्ञानेन्द्र शाहलाई ६ सय ५१ सदस्यीय स्वागत समितिले भव्य स्वागत गरेका छन्।
उनीहरुले देउती बज्यैतर्फ जाने मूल गेट पिपिरा चोकबाट मन्दिरद्वारसम्म फूलमाला लिई उपस्थित भएका छन् भने आमनागरिकहरु पनि पूर्वराजालाई स्वागत गर्न लाममा उभिएका छन्।
यसअघि स्वागत समितिका मूल संयोजक बलभद्र भारतीले आइतबार विज्ञप्ति जारी गर्दै राजा सुर्खेत आउने जानकारी दिएका थिए।
स्वागत समितिमा पूर्वराष्ट्रिय पञ्चायत सदस्य घनश्याम गिरी, पूर्वजिल्ला विकास समितिका सभापतिहरु मोतिप्रसाद सापकोटा, ओमबहादुर जिसी, वसन्त थापा, उपसभापति तुलाराम गिरी, वीरेन्द्रनगर नगरपालिकाका पूर्वमेयर मुकुन्दश्याम गिरी र पूर्वप्रधानपञ्च मानबहादुर खड्का समेत छन्।
भर्खरै
लोकप्रिय
