विर्तामोड– १ सय ५० वर्षपछि लागेको चन्द्र गहण बाक्लो हुस्सुका कारण निकै मधुरो देखिएको छ। पूर्वी नेपालको झापामा साँझ साँढे ६ बजेपछि ग्रहण लागेकै अवस्थामा आकासमा जुन देखिएको थियो।
खगोलविदहरुका अनुसार १ सय ५० वर्षपछि ब्लू मुनमा खग्रास चन्द्रग्रहण लागेको हो। एकै महिनामा दुईवटा पूर्णिमा परे पछिल्लो पूर्णिमालाई ब्लू मुन भन्ने गरिन्छ।
ग्रहण नेपाललगायत भारत, चीन, मंगोलिया, जापान, मलेसिया, ताइवान, न्युजिल्यान्ड,अष्ट्रेलिया, अफ्रिकाका केही पूर्वी देशहरू, युरोप, रसिया र अलास्काबाट देखिएको अन्तर्राष्ट्रिय सञ्चार माध्यमहरुले जनाएका छन्।
खग्रास तथा खण्डग्रास गरी चन्द्रग्रहण दुई किसिमको हुने भए पनि बुधबारको चन्द्रग्रहण खग्रास भएकाले चन्द्रमाको पूरै भाग छेकिएको छ।
खग्रास चन्द्र ग्रहण वृष, कन्या, तुला तथा कुम्भ राशिकाले मात्र हेर्न हुने बताइएको छ भने मेष, मिथुन, कर्कट, सिंह,वृश्चिक, धनु, मकर र मीन राशिकाले हेरे अशुभ हुने मानिएको छ।
सम्बन्धित समाचार…
भर्खरै
लोकप्रिय
