सुर्खेत-नेकपा एमाले कर्णाली प्रदेशले प्रदेशसभा सदस्यहरुलाई ह्वीप जारी गरेको छ।
फागुन १५ गते बस्ने प्रदेशसभा वैठकमा एमालेका सांसदहरुलाई अनिवार्य रुपमा उपस्थिति हुन सूचना जारी गरिएको हो।
बुधबार बस्ने प्रदेशसभा बैठकमा कर्णाली प्रदेशका मुख्यमन्त्री महेन्द्रबहादुर शाहीले प्रदेश संसदवाट बिश्वासको मत लिने कार्यसूची छ।
उक्त कार्यसूचिमा प्रदेशसभामा एमालेको तर्फवाट प्रतिनिधित्व गर्ने सम्पूर्ण सांसदलाई प्रस्तावको पक्षमा मतदान गर्न नेकपा एमाले संसदीय दलका प्रमुख सचेतक गुलावजंग शाहले ह्विप जारी गरेका हुन्।
यहि फागुन तीन गते बसेको प्रदेशसभा वैठकबाट नेकपा एमालेको समर्थनमा माओवादी केन्द्रक संसदीय दलका नेता शाही मुख्यमन्त्री बनेका थिए।बहुमतको नजिक रहेको एमालेले माओवादी केन्द्रसँगको भागबण्डामा प्रदेश सरकार गठन गरेको हो।
प्रदेशसभामा नेकपा एमालेको तर्फबाट सभामुखवाहेक १९ जना प्रदेश सभा सदस्यहरु छन् भने माओवादी केन्द्रसँग उपसभामुखवाहेक १२ जना सदस्यहरु छन्।
संविधानको धारा १६८ को उपधारा ४ बमोजिम दुई दलको समर्थनमा मुख्यमन्त्री भएका व्यक्तिले ३० दिनभित्र विश्वासको मत प्राप्त गर्नुपर्ने संवैधानिक व्यवस्था छ।
भर्खरै
लोकप्रिय
