विरेन्द्रनगर – कर्णाली प्रदेश सरकारले श्वेतपत्र जारी गर्ने तयारी गरेको छ । ५२ प्रतिशत गरिबी रहेको यस प्रदेशका लागि प्रदेश सरकारले नीति तथा कार्यक्रमसहित बजेट ल्याउने समय अझै बाँकी रहेकाले श्वेतपत्र जारी गर्ने तयारी गरेको हो ।
श्वेतपत्र मार्फत प्रदेश सरकारले गर्ने काम र प्राथमिकतालाई जनतामाझ जानकारी दिने भएको हो । जसका लागि आर्थिक मामिला तथा विकास मन्त्रालयले आवश्यक काम थालेको छ ।
कर्णाली प्रदेशका कार्यवहाक मुख्यमन्त्री प्रकाश ज्वालाले श्वेतपत्र तयार गर्नका लागि तथ्यांक सबै मन्त्रालयबाट आवश्यक ढाँचामा उपलब्ध गराउन आग्रह गरिएको बताए ।
उनले मन्त्रालयलाई वर्तमान अवस्था र प्रदेशका लागि आवश्यक योजना बारेमा विवरण पठाउन भनिएको बताए । उनका अनुसार मन्त्रालयबाट आएको तथ्यांक र विवरणका आधारमा मन्त्रीपरिषदबाट श्वेतपत्र जारी गरिने छ ।
कार्यवहाक मुख्यमन्त्री ज्वालाले प्रदेशको विकास, समृद्धि र जनताको जीवनस्तरमा सुधार ल्याउनका लागि सरकारले गर्नुपर्ने काम र योजना समेटेर श्वेतपत्र जारी गरिने जानकारी दिए ।
भर्खरै
लोकप्रिय
